Dayar-e-ghair main kaise tujhe sada daite...

Zindagi mein to sabhi pyaar kiya karte hain
Main to mar ke bhi meri jaan tujhe chahoonga

Tu mila hai to yeh ehsaas hua hai muJhko
Yeh meri umar mohabbat ke liye thodi hai
Ik zara sa gham-e-dauran ka bhi haq hai jis par
Maine wo saans bhi tere liye rakh chodi hai
Tujh pe ho jaaoonga qurbaan tujhe chaoonga
Main to mar ker bhi meri jaan tujhe chahoonga

Apne jazbaat mein naghmaat rachaane ke liye
Maine dhadkan ki tarah dil mein basaya hai tujhe
Main tasawur bhi judaai ka bhala kaise karoon
Maine kimsat ki lakiron se churaaya hai tujhe
Pyaar ka ban ke nigehbaan tujhe chahoonga
Main to mar ker bhi meri jaan tujhe chahoonga

Teri har chap se jalte hain khayalo ke chiragh
Jab bhi tu aaye jagata hua jaadu aye
Tujh ko choo loon to phir ai jaan-e-tamanna mujhko
Der talak apne badan se teri khushbu aaye
Tu baharon ka hai unwaan tujhe chahoonga
Main to mar ke bhi meri jaan tujhe chahoonga

Mohabbat ab nahi hogi!

Sitarey jo damaktey hain kisi ki chashm-e-heran mein
Mulaqatain jo hotee hain jamaal-e-abro-baraan mein
Yeh na-abaad waqton mein, dil-e-na-shaad mein ho gi
Mohabat ab nahin ho gi, yeh kuch din baad mein ho gi
Guzar jaa'en gey jab yeh din, tau in ki yaad mein ho gi
Mohabbat ab nahi hogi!!!!

(Munir Niazi)

Dil-e-bekhabar zara hosla

Dil-e-bekhabar zara hosla
Koi aisa ghar bhi hai shehar main
Jahan her makeen ho mutmain
koi aisa dil bhi kaheen pay hai
Jise khof-e-amad-e-shab nahi
Yeh jo gard-e-bad-e-zaman hai
yeh azal se hai koi ab nahi
Dil-e-bekhabar zara hosla!

(Amjad Islam Amjad)