Lakeerain

kaatib-e-taqdeer ne
bakht ki siyaahi se
zindagi ki loh per
haar ka ya jeet ka
jo bhi faisla likha
wo hi ik haqeeqat hai
ghar ki balkoni main
beth ker ghanton tak
sochtay rehnay se
haathon ki lakeeron ko
khojtay rehnay se
wo to mit nahi sakta
maan le taqdeer ko
zid kerni chorr de
haathon ki lakeeron se
bandhay rishtay torr de
kyun k ye lakeerain to
bad gumaan kerti hain
bay eeman kerti hain
haathon ki lakeeron main
kuch bhi to nahi rakha
ye lakeerain to faqt
aarray tirchay naqshay hain
aarray tircchay naqshon main
dar ba dar bhataknay se
dilnasheen khwaabon ki
tabeerain nahi milteen
saaye haath lagte hai
aur kuch nahi milta
kyun k ye lakeerain hain
lakeerain jhoot kehti hain
lakeerain mit bhi sakti hain..!

Dar!

Kaha tha na
is tarha Sotey main mat chor k jana
Mujhe Beshak jaga dena
bata dena...
Mohabbat k safar mai sath chal nahi Saktey
Judai k Safar mai sath chal nahi saktey
Tumhein Raa'sta badalna hai
Meri Hadd se nikalna hai
Tumhein kis baat ka Darr hai...?
Tumhein Jaane hi nahi deta...
Kahin pe Qaid kar leta???
Aray Pagli Mohabbat mai Zabardasti nahi hoti
Jisey Raa'sta badalna ho usey Rasta badalney se
Jisey Hadd se nikalna ho usey had se nikalney se
Na koi Rok paya hai
Na koi Rok paye ga
Tumhein kis baat ka Darr tha...?
Mujhe Beshak jaga dete
Mai Tum ko Dekh hi leta
Tumhein koi Duaa deta
Kam az kam yun to na hota Mere saathi!!
Haqeeqat hai....
Tumhare baad khone k liye kuch bhi nahi baqi
Magar khoney se Darta hoon
Mai ab soney se darta hoon.......!!!!!!

Aaib

Mere Haathoon Ki Lakiroon Main Yeh Aaib Chupa Hai
Main Jis Shakhs Ko Chu Loon Woh Mera Nahin Rehta !!!

Dayar-e-ghair main kaise tujhe sada daite...

Zindagi mein to sabhi pyaar kiya karte hain
Main to mar ke bhi meri jaan tujhe chahoonga

Tu mila hai to yeh ehsaas hua hai muJhko
Yeh meri umar mohabbat ke liye thodi hai
Ik zara sa gham-e-dauran ka bhi haq hai jis par
Maine wo saans bhi tere liye rakh chodi hai
Tujh pe ho jaaoonga qurbaan tujhe chaoonga
Main to mar ker bhi meri jaan tujhe chahoonga

Apne jazbaat mein naghmaat rachaane ke liye
Maine dhadkan ki tarah dil mein basaya hai tujhe
Main tasawur bhi judaai ka bhala kaise karoon
Maine kimsat ki lakiron se churaaya hai tujhe
Pyaar ka ban ke nigehbaan tujhe chahoonga
Main to mar ker bhi meri jaan tujhe chahoonga

Teri har chap se jalte hain khayalo ke chiragh
Jab bhi tu aaye jagata hua jaadu aye
Tujh ko choo loon to phir ai jaan-e-tamanna mujhko
Der talak apne badan se teri khushbu aaye
Tu baharon ka hai unwaan tujhe chahoonga
Main to mar ke bhi meri jaan tujhe chahoonga

Ab key tajdeed-e-waffa ka nahi'n imkaa'n janaa'n

Ab key tajdeed-e-waffa ka nahi'n imkaa'n janaa'n ...
Yaadh kiya tujh ko dilaain tera paimaa'n janaa'n !

Yunhi mousam ki adaa daikh key yaadh ayaa hai ...
Kis qadar juld badal jaatey hain insaan janaa'n !

Zindagi terri Ata'a thee sou teray naam kii hai ...
Hum ney jaissey bhi basar ki tera ahsaa'n janaa'n !

Dil yeh kehtta hai keh shaaid ho fasurdah tu bhi ...
Dil ki kiya baat kerain dil tou hai nadaa'n janaa'a !

Awal Awal ki muhabbat key nashaay yaadh tou ker ...
Bai pai bhi tera chehra thaa gulistaa'n janaa'a !

Aakhir aakhir tou yeh aalam hai ke ab hosh nahin ...
Rugg -e- mena sulag uthi keh rug -e- jaa'n janaa'n !

Mudatoun sey yehi aalam nah touwaqa nah umeed ...
Dil pukarey hi challa jaata hai janaa'n janaa'n !

Hum bhi kiya sadaah thay hum ney bhi samjh rakha tha ...
Ghum -e- doraa'n sey judaa hai ghum -e- janaa'n janaa'n !

Ab key kuch aissi sajji mehfil -e- yaraa'n janaa'n ...
Sar bah zano hai koi sar bagreba'n janaa'n !

Hur koi apni hi awaaz sey kaamp uthtaa hai ...
Hur koi apney hi saaiey sey hurasaa'n janaa'n !

Jiss ko daikho wohi zanjeer bapaa lagtta hai ...
Sehar ka shehar hawa dakhil -e- zindaa'n Janaa'n !

Ab tera zikar bhi shaid hi ghazal mai aaiey ...
Aur sey aur huwaay dard key unwaa'n janaa'n !

Hum keh roothi huwii rut ko bhi manaa laittey thay ...
Hum ney daikha hi nah thah mousam-e-hijraa'n janaa'n !

Hosh ayaa tou sabhi khuwaab thay raizah raizah ...
Jaissey urtey huwaay auraaq-e-pareshaan janaa'n !

Main aur meri tanhai...